20/06/2014 12:57:38

Kolumbia vazhdon me fitore, pak shpresa për Drogban me shokë

Pas një ndeshje të fortë, Kolumbia shënoi edhe fitoren e dytë në Grupin C të Kampionatit botëror, duke mposhtur Bregun e Fildishtë, me rezultat 2:1

HermesNews - Pas një ndeshje të fortë, Kolumbia shënoi edhe fitoren e dytë në Grupin C të Kampionatit botëror, duke mposhtur Bregun e Fildishtë, me rezultat 2:1.

Në një ballafaqim mjaft interesant mes dy skuadrave që kishin fituar duelet e para, gjithçka u përcaktua pas intervalit kur loja ishte më e hapur.

Pas disa kërcënimeve, James Rodriguez kaloi Kolumbinë në epërsi në minutën e 64-të, kur realizoi me kokë. Ndërsa, vetëm gjashtë minuta më vonë Juan Quintero dyfishoi avantazhin e Kolumbisë. Mirëpo, Bregu i Fildishtë nuk u dorëzua.

Në minutën e 73-të, Gervinho shënoi pas një depërtimi duke rikthyer skuadrën e tij në lojë. Mirëpo, koha e mbetur nuk i mjaftoi Bregut të Fildishtë që ta gjejë barazimin.

Nuk kreu punë as Didier Drogba i aktivizuar në lojë në minutën e 60-të.

Arbër Meçenovi

Dërgo me email | Stampo artikullin